© 2018  Barnaheimilið Ós  Skerplugötu 1, 101 Reykjavík  s.552 3277 / kt. 641073-0329

  • Facebook App Icon

BARNASTARF

Á Ósi dvelja nú 29 börn á aldrinum átján mánaða til 5 ára, starfið er aldursskipt á þremur deildum, yngsta-, mið- og elstakjarna.

Skólinn er opinn frá kl 7.45 til 17.00 alla virka daga.

Barnaheimilið Ós er lokað í 5 vikur á ári vegna sumarleyfa. Foreldrar kjósa um lokunartíma á hverju ári. Yfirleitt er lokað í júlí.

Húsið okkar er á þremur hæðum.

Í kjallarnum er forstofan okkar með fatahólfum barnanna. Einnig er þar listasmiðja og heimastofa elstu barnanna.

Á miðhæðinni er miðkjarni og kaffistofa starfsmanna, ásamt eldhúsinu okkar, sem er líka hjartað í húsinu.

Efsta hæðin okkar geymir yngsta kjarnann og skrifstofuna ásamt leikstofunni, en hún er fjölnota rými þar sem við meðal annars gleðjumst og syngjum öll saman einu sinni í viku.

Á tveimur stöðum í húsinu eru leynihorn. Leynihornin eru smá skot undir stigunum okkar og þar þykir gott að kúra og leika sér í friði og ró.